Ua amata nei le suesuega a leoleo i le maliu ai o se tamaitai e 49 tausaga le matua, na maua lona tino maliu i se vaitafe i Brisbane i le masina talu ai.

O le tamaitai o Crystal Beale na maua lona tino i le faaitu o Yeronga e se tasi o le atunuu i le taeao po o le aso 22 o Fepuar,i ma e talitonu leoleo na iai pea i Orleigh Park i le po i luma mai o le aso na faatoa maua ai.

Sa muai ta’ua e lē o iai se tulaga masalomia i lenei faalavelave peitai o le faatautaiaina e leoleo o le suesuega i lea mataupu ua aoina ai faamaumauga ma faamatalaga ma ua talosagaina ai soo se tasi na silafia se faamatalaga i lenei mataupu ina ia fesootai ane.

Ua faamatuu ane foi ata mulimuli na vaaia ai lē ua maliu i se faleaiga i Sunnybank.