Ua iai moliaga ua faia nei faasaga ile Ports of Auckland ma seisi tagata e faatatau ile maliu o se tagata faigaluega ile uafu ile tausaga talu ai.
Ua faailoa ilipoti I le Herald I le aso o Palaamo Kalati na maliu ina ua taomia ina ua pau se container ao faia sa latou galuega e lifi ai le container lea I le masina o Aukuso o le tausaga talu ai. Ole faamatalaga lea mai le Maritime NZ.
O Kalati 31tausaga o le soifua, toafitu nai ona alo, na maliu ai lava I luga o le vaa lea I le Ferguson Container Terminal.
O loo faailoa I le lipoti o lea ua faia nei moliaga e le Matitime NZ I le faamasinoga faaitumalo I Aukilani I lalo ole Health and Safety at work Act 2015.
Moliaga la e faatatau I le le tausia o nisi o aiaiga I lalo o lea tulafono ua oo ai se tagata I se tulaga lamatia e ono maliu ai pe manua tigaina foi ma e ono oo atu le faasalaga I le tolu miliona pe afai e faamaonia.
