O le ta o le lima i le afiafi nei taimi Ausetalia sa faataatia mai e le premier o Niu Sa Uelese e tatau ona oo atu iai ua tuuina atu se tali a le Iuni o tagata faigaluega i trains, trams ma pasi i le ofo na ia tuuina ane mo se maliega i mataupu e pei ona feutagai ai.
Ua faailoa i tala mai le SBS e le NSW Transport union e i latou o iai se naunautaiga e taofia solo tetee o loo faia pea i le taimi nei e ui i le ofa ua faataatia ane e le malo.
Sa faailoa e le premier Dominic Perrottet afai ae ta le lima i le asō e lei tali ane lava le iuni o le a toe faaleaogaina loa lea foi maliega.
Fai mai le faamataga a le failautusi o le Iuni, Alex Classens e le popole le faigamalo a le setete i tagata o Niu Sa Uelese.
Ua ia saunoa manino foi e le o iai se faamoemoe o le iuni e taofia tetee o loo faia, o lona uiga o le a iai foi nisi tetee e faatino i le vaiaso fou, ma o se tala faanoanoa foi lea mo le mamalu o le atunuu femalagaai i auala o feoaiga lautele.
