O le fanaina o se tagata i se pa i Pakuranga Heights i Aukilani i se nofoaga e masani ona fifilemu, ua faate’ia ai lea komiuniti.
Ua lipotia i le RNZ se faamatalaga mai leoleo na valaau ane i latou i le nofoaga lea i le Highland Park poo le lata i le 10 i le po anapo lea ua ta’ua na faaoolima ai ni alii se to’atolu i se alii e to’atasi a o le’i faalogoina le pā ane o se fana.
Na ave atu lē na aafia i le falema’i mo togafitiga ma o loo faatino le su’esu’ega i le atoaga o le mea na tupu.
Ua ta’ua e le RNZ i le aso ananafi lava i le ao na maua ai e leoleo lipoti na fanaina se taavale i fafo ane o se fale’aiga i Mt Eden i le mae’a o fesaga’iga a ni kulupu se lua, na fai ai tuliga ma leoleo na oo i Manurewa ma pu’e ai tagata e to’atolu.
O loo faia le su’esu’ega pe iai se sootaga o mataupu ia e lua.
Puna o Faamatalaga: https://www.rnz.co.nz/news/national/539191/shooting-of-man-in-auckland-shocks-neighbourhood
