Ua iai suiga ua folasia i tulaga tau galuega ma visa mo i latou e malaga mai i ausetalia ae iai le tomai i le faatinoina o galuega, skilled migrant workers ma ua taua foi o le a faavavevave le faagaioia o talosaga mo visa ia ina ia fesoasoani ai i le tamaoaiga o le atunuu.
O le faigamalo a Ausetalia na o latou folasia le Core Skills Occupation List Csol ma le faamoemoe o le a faaleleia ai le faaitiitia o tagata faigaluega ua aafia tele ai auaunaga fau faafale i le atunuu. O isi la galuega ua folasia mai ua mafai foi ona talosaga ai tagata mo se visa i Ausetalia e aofia ai faiaoga o le yoga, aufaigaluega i luga o le vaalele, tusitala ma i latou e faigaluega i le auaunaga mo le faamatagofieina o tagata faapea le au fai lafu oti.
O isi ia galuega o le a faaopoopo atu i galuega o loo iai pea e aofia ai le au lei piliki, au kamuta aemaise pule o poloketi ma le au asiasi.
E 456 avanoa faigaluega ia ua lisiina i lalo o le CSOL ma o le a faaopoopo atu i le talosaga mo visa mo tagata faigaluega i auaunaga pei ona taua ma faamoemoe ole a foia ai le faafitauli o le itiiti o le aufaigaluega i Ausetalia.
Fai mai le Minisita o Mataupu Faalotoifale faapea le Ofisa o Femalagaaiga. Tony Burke o se laasaga taua lenei e tosina mai ai le au faigaluega e iai tomai i ia matata ma galulue i Ausetalia nei.
Puna o Faamatalaga: https://www.9news.com.au/national/skilled-migrant-visa-reform-announcement-full-list-of-trades/f6f3e462-0f62-4a1f-b3fd-1e305a5f7563
