Ua lē fiafia Donald Trump i faamatalaga fai a le Peresetene o Ukraine, Volodymyr Zelensky e faapea e lē amana’ia e Ukraine le faatonutonuina e Lusia o Crimea ma ua faailoa ai e Trump o ia faamatalaga e matua’i afaina ai fetuuna’iga mo se filemu ma Lusia.
Fai mai Trump o ituaiga faamatalaga faapea e faigatā atili ai ona faamautū se tonu o le taua i Ukraine ma e leai se mafua’aga e mitamita ai fua auā o loo iai Ukraine i se tulaga faaletonu ma ua faailoa e Trump, e pule la Zelensky pe maua se filemu mo lona atunuu pe faaauau pea ona toe tau mo le isi tolu tausaga ae o le lusi ai ma le atunuu atoa.
O faamatalaga a Zelensky ua faia i luga o le upega tafailagi a le X ua ia ta’ua ai ua maualuga le o a lagona i le asō.
O loo maumaua’i pea Ukraine o le a lē faamatuuina ane Crimea lea sa nofoia e Lusia talu mai le 2014.
O se faamatalaga a le sui peresetene o Amerika, JD Vance ua faia i le CNN ua ta’ua ai o le a faataatia ese feutana’iga mo se filemu i le matāupu lea pe afai e lē ano ane Lusia ma Ukraine.
Ua mae’a ona tuuina a latou fuafuaga i itu uma e lua, ma ua tatau ona tali lelei ane a leai o le a aga’i ese loa Amerika mai ia feutana’iga.
Puna o Faamatalaga: https://edition.cnn.com/2025/04/23/europe/rubio-russia-ukraine-ceasefire-talks-intl-hnk/index.html
