O le matagaluega o tinā ma tamaitai atina’e o afioaga ma agafesoota’i ua galulue faipaaga nei ma le faalapotopotoga o le Toomaga mo ē Puapuagatia e faatino polokalame o le 16 aso e tetee atu ai i soo se sauāga o loo aafia ai tinā ma tamaitai faapea fanau teine a le atunuu.
O le autū o lenei tausaga ia tutufaatasi e faamuta sauāga, ae o le polokalame a le Toomaga mo ē Puapuagatia ua autū i le fe’au tau molimoli a se alo tamaitai ua maliu ona o sauāga, ia muta ia te a’u.
O le pitolaau tauave a le Malo i lenei faamoemoe na saunoa iai le Minisita o Tina ma Tamaitai Atinae o Afioaga ma Agafesoota’i.
Le afioga Mulipola Anarosa Ale-Molioo o le Minisita o Tina ma Tamaitai Atina’e o Afioaga ma Agafesoota’i.
