Ua iai sina siitaga teisi i le malosi o le tālā Ausetalia e faatusa i maketi i fafo.
O le taimi nei o loo faatauina le tālā Ausetalia i le 68.25 sene i le tālā Amerika a o tulalata atu i le faaiuga o le tausaga.
Mo se taimi umi sa faaletonu ma vaivai ai le malosi o le tālā Ausetalia ae ua faafiafiaina le toatele ina ua maua mai le lipoti i le asō ua iai se siitaga i le tālā Ausetalia i lenei vaitau.
O tagata mai le Pasefika aemaise foi Samoa o loo mātele ina faaaogāina auaunaga lafotupe i Atumotu o le Pasefika ma o se tasi o tulaga e tulituliloa e le toatele pe ua tai maua se isi suiga i le value poo le malosi o le tālā Ausetalia.
O loo manatu nisi popoto i tulaga tau tupe ma le tamaoaiga, o le a toe faasolo ina malosi le tupe Ausetalia ae talitalia pea le tausaga fou pe sau ma ni suiga lelei ma toe faafoi le malosi o le tālā Ausetalia i le tulaga sa iai pe leai foi.
