O le vaiaso nei e aloa’ia ai le suiga o le a totogi ai le $20 tala e matamata ai i le togalaau i Hamilton.
O le tau lenei e totogi e tagata matamata ua 16 aga’i i luga tausaga le matutua ma e lē nonofo foi i Hamilton.
O togalaau e oo atu i le miliona tagata matamata i le tausaga, ma o le faai’uga foi ua faia e lē totogia ai e tagata Hamilton asiasiga i le togalaau e lē o malilie ai tuaoi ia Waikato ma Waipa.
O loo finau tagata tuaoi o lea ua faitau faatasi latou ma turisi e ala i le totogi uma o le ta’i $20, e lē fetaui lea faai’uga o le ulu fua na o tagata Hamilton.
O le tali a le faatonu o le togalaau Lucy Ryan, o tagata Hamilton lea e totogia rates mo le togalaau ma ua talafeuga ai le ulu fua na o tagata Hamilton.
Puna o Faamatalaga: Hamilton Gardens entrance fee comes into effect (1news.co.nz)
