O le vaiaso muamua lenei o le masina o Iulai ua toe faagasolo ai le polokalame fesoasoani mai le Malo o Amerika ua auala mai i alii foma’i ma tausi soifua o le fitafita a lea Malo, o loo faia ai siaki faafoma’i mo tagata o le tatou atunuu.

O le polokalame lenei ua faaigoaina o le Soifua Manuia e lei leva ni masina talu ona mae’a ae ua toe taliu mai ia fomai ma tausi soifua e faaauau.

E lima falema’i i le atunuu o loo faatino ai suesuega faafoma’i mo i latou e fia maua lea auaunaga faafoma’i.

O falema’i e pei o Tupua Tamasese Meaole i Motootua, falema’i i Lufilufi, Leulumoega, ma Poutasi i Upolu a o Tuasivi o loo faaaogā mo le mamalu o le atunuu i Savaii.