Ao tapena le Matagaluega o Leoleo Falepuipui ma le Toefuataina i tiute o aso o le faailogaina o le tutoatasi, ua afea lana auaunaga masani i se foai tāua mai leoleo o le malo o Ausetalia le Australian Federal Police, o leitio feaveai mo fesootaiga.
E tusa ma le 200 afe tāla le tauatoa o ia masini o le a faaaoga e fesootai ai malu o le malo i taimi o le a faatino ai le latou galuega, ma o ni masini aoga tele e vave maua ai faamatalaga o se faalavelave, poo se fesoasoani o loo manaomia vave ai le auaunaga a leoleo. O le Sui Komesina o le Matagaluega le susuga, Leiataualesa Samuelu Afamasaga na ia talia le foai mai sui o le auaunaga a leoleo o le malo o Ausetalia.
O le tasi lea o malo ose paaga totino a le malo o Samoa o loo agalelei pea ma fesoasoani i le Matagaluega o Leoleo, Falepuipui ma le Toefuataina i le itu i fesootaiga.
