Na faato’ā tapunia i le Aso Lua o le vaiaso nei le avanoa e lesitala atu ai ni paopao, ae o tuuga vaa tulula ua lē taunuu ona ua faailoa e le Sui Komesina o leoleo o loo ta’ita’ifono i le soā komiti o tuugavaa o le Sisigafu’a, e leai ma se tulula na lesitala atu.
O paopao na faato’ā tapunia le lesitala i le Aso Lua o le vaiaso nei, ae ua mautū fausaga o tapenaga a le komiti i tuuga fautasi lea e 6 fautasi ua lesitala ai.
O fautasi e 6 ua faamautū mo lea polokalame o le tuto’atasi o Le Tolotolo o Tamauli, Apia Maroon, Telefoni o le Vainuu, Fiatau i le Vasaloloa, Little Rina, ma le Malu o Samoa.
