Ua faia e le faigāmalo a Nauru se faatonuga i ona tagata faigaluega uma a le malo ma tagata faigaluega a kamupani e umia e le malo i Nauru ma fafo mai o le atunuu ina ia usita’ia le One China Policy.
O le faatonuga lea mai le Kapeneta ua faia ane a o faailoga ai e le Motu lea o Maikorenisia le 58 tausaga o lona faavae, Constitutional Day i le vaiaso nei.
O le masina o Ianuari 2024 na suia ai le faaaloalo a Nauru mai ia Taiwan aga’i ia Saina ae faato’ā 2 aso talu ona tofia le Peresetene o Lai Ching.
Ta’ua i lipoti a le Radio NZ o le mae’a o le faai’uga a le Kapeneta i le aso 15 o le masina nei ua faatonuina ai tagata ia usita’ia le One China Policy ma mulimulita’i iai.
Fai mai lipoti ua lē toe iai ni sui o upufai o malo a Taiwan i Nauru talu ona aga’i Nauru ia Saina.
Puna o Faamatalaga: https://www.rnz.co.nz/news/pacific_nauru/595896/nauru-orders-all-public-servants-and-government-bodies-to-follow-one-china-policy
