O ata o tagata o loo tuua’ia e leoleo i solitulafono e fesoota’i i le umia o nakoti poo fuālaau faasāina, o loo faailoa ai tausaga o le matutua, o nuu ma afio’aga.
Peita’i o se faasalalauga a le Matāgaluega o Leoleo, Falepuipui ma le Toe Fuata’ina i le faai’uga o lena vaiaso ua mavae e sesē le afio’aga e sau ai le taulealea o Taiai Masemalo lea sa faailoa o se tasi mai le afio’aga o Letogo.
Ua faailoa e le matāgaluega o lea tagata e mai afio’aga o Lalomanu i Upolu ma Faga i Savaii, ae lē o Letogo.
Ua faamālūlū ai le matāgaluega i le afio’aga i le sesē o lana faasalalauga, ma aumai ai ma le lapata’iga i faamatalaga e tuuina atu e faasesē ai le auaunaga a le matāgaluega.
O osofa’iga e sa’ilia ai nofoaga o loo masalomia o loo faatino ai solitulafono e fesoota’i i fuālaau faasāina o loo faasalalau ai e le matāgaluega ata o tagata ua molia ma o latou afio’aga.
