O sitiseni o le United Kingdom isi tagata e ono mana’omia ona talosaga mo se visa e malaga ai i Thailand mo le silia i le 30 aso.
Ua faailoa mai i le asō e le BBC, o tulisi poo tagata tafafao maimoa mai atunuu e 93 sa mafai i le taimi ua sola ona malaga i Thailand e aunoa ma le mana’omia o se visa mo le 60 aso talu mai lava Iulai o le 2024, peita’i la ua iai le suiga ina ua pasia i le vaiaso nei le toe suia o lea tulaga ona o le tele o le nunumi i tulaga o visa.
Saunoa le Palemia o Thailand i le lipoti a le BBC ua iloa e le faigāmalo o le faiga faavae e mana’omia mo le matāupu lea ua maua e le malo ma o i latou uma sa mafai ona malaga atu i Thailand i lalo o tuutuuga sa iai muamua i le visa lea mo le 60 aso o le a ono mana’omia ona talosaga mo se visa e aofia ai atunuu e pei o Ausetalia, Saina, Farani, Siamani, Initia, Italia, Spain ma Amerika pe afai e fia aumau i Thailand mo le silia i le 30 aso.
O Thailand le isi atunuu i le Atu Asia e to’atele tulisi e aga’i iai mo tafaoga.
Puna o Faamatalaga: https://www.bbc.com/news/articles/c78q3qjqnn5o
