O le faamanatuina o le tutoatasi i le tausaga e 2023 o se koneseti tele o le taleni o le musika ma faafiafia ai ma tagata pepese lauiloa i Samoa ma le Pasefika sa tumutumu iai tupulaga ma le toatele o tagata i Samoa.
O le faamanatuina o le tutoatasi o lenei tausaga o le a toe faia ai foi lea koneseti o le a malaga mai ai nisi o tama fanau a Samoa mai fafo e talenia i le musika e faafiafia ai.
Ua faailoa i faasalalauga amata o le tasi lea o polokalame o le 64 tausaga o le tutoatasi i le masina fou o Iuni ma o le a faia i luma maota o le malo i le Eleele Fou ma e leai se totogi e maimoaina ai.
Ua faailoa ai i ia faasalalauga o le koneseti ma ata o nisi o tamalii lauiloa i le musika e pei o le afioga, Faanana Jerome Grey ua faamautu nei i Amerika ma lona aiga.
Ua faailoa ai foi le faia ai ma nisi o faafiafiaga a ausiva lauiloa i Samoa e pei o tamaitai anofale. E tolu aso o lea koneseti e faia ile po i luma o le maota o le malo ile eleele fou. E amata ilea so Gafua aso muamua o Iuni ae taualuga ile aso Lulu le aso 3 o Iuni.
