O le afioga i le sui o le fono a sui tofia le susuga Malietoa Moli II Malietoa sa fai ma sui o le Ao o le Malo e taliaina tusi tofiga o le Amepasa poo le sui o le Malo o Sepania mo Samoa i se sauniga i le Aso Lua i le fogafale 3 o le malo le maota o Fiame Mataafa Faumuina Mulinuu II.
O se tasi lea o sauniga faalemalo e tauaao ai tusi tofiga o sui o malo i fafo o loo iai sootaga faavaomalo ma Samoa.
O le malo o Sepania na amata ona faipaaga ma Samoa i sootaga faavaomalo i le tausaga e 1980 ma ua silia ai nei ma le 45 tausaga o faaauau pea ia sootaga vavalalata.
Sa malele le susuga i le Malietoa i lona tulaga o le sui o le fono a sui tofia ma faafetaia lea malo e ala atu i le alii amepasa o Luis Alfonso Sanchez Vellisco Sanchez ona o le lagolago ia Samoa e ala i le sainia o le maliega ua faaigoaina o le Samoa Agreement lea na sainia i Apia i le tausaga e 2023.
Sa faafetaia ai foi lea malo i lona sao tāua i galuega o le atina’e o atunuu o le Pasefika e aofia ai ma Samoa e ala i le taliaina e le malo o Sepania o le ta’iala o fuafuaga alualu mamao mo le lumana’i manuia o atunuu o lenei faaitulagi mo le tausaga e 2050 le 2050 Strategy for the Blue Pacific Continent.
O le mae’a ona tauaao o tusi tofiga o le sui o lea malo na feiloa’i atu ai i ta’ita’i o le malo e aofia ai le afioga i le Palemia.
