Ua i luma o le faamasinoga le talosaga a le loia sa finauina le tetee a lē sa avea ma faia’oga ulu o le Manu Samoa le afioga Mase Mahonri Schwalger, ua tatalo ai i le Faamasinoga o Talosaga poo le Faamasinoga Apili a le Faamasinoga Maualuga, e toe iloilo le faai’uga ua faamaonia ai moliaga o Mase.
Ua tuu atu ai ma le isi talosaga ina ia taofia le faia o se faai’uga i se faasalaga se’i iloilo muamua le apili.
Ua i luma foi o le faamasinoga le talosaga apili ua faaulu ua talosagaina ai le toe su’esu’e ma iloilo le faai’uga a le Faamasinoga Faaitumalo sa lē faamaonia ai moliaga o le Palemia susuga Laaulialemalietoa Leuatea Polataivao Fosi.
O loo tuuina atu lea talosaga apili i le suafa o le tofa Lealailepule Rimoni Aiafi le faipule o Faleata 3 ma se alii loia.
O le aso 8 o Iuni o le a toe valaau ai ia talosaga apili e lua mo le itu a leoleo e tuuina atu se tali i ia talosaga.
