O le faatuina o le sosaiete a taulasea Samoa i ni tausaga ua tuanai sa fesoasoani tele i le atunuu e saili iai fofō o gasegse eseese. O se tasi o falesamoa i tua maota o le malo i Eleele Fou sa faamautu iai tamā ma tinā o taulasea lea sa saili fofō iai le toatele.
Peitai e leo toe iai lea auaunaga ma ua toe foi i le faamautu o taulasea i o latou nuu ma afioaga ma agai iai le atunuu e saili fofō.
O le sosaiete a taulasea Samoa na tapunia i ni tausaga ua mavae peitai o lea ua faailoa e le Matagaluega o Pisinisi, Alamanuia ma Leipa o loo resitala ai sosaiete, kamupani ma faalapotopotoga tumaoti ua toe fia faaofi atu le lesitala o lea sosaiete.
Ua ave ai le valaau i le atunuu e tuuina atu ni a latou talosaga e faailoa ai mafuaaga o le tatau ma le lē tatau ona toe resitala lea sosaiete.
