I le tausaga e 2024 na filifilia ai se tasi o tamitai faamasino o le tatou atunuu sa galue i le faamasinoga faaitumalo ma le faamasinoga maualuga a Samoa e faauluulu iai aoaoga tau i tomai i le tulafono i le Iunivesite o Waikato i Niu Sila, o le masina fou o Iuni o le a faatauto ai e avea ma se tasi o faamasino o le faamasinoga o talosaga apili a le malo o Kiripati.
O le faaiuga o le masina fou e pei ona faailoa i se lipoti o le a tauaofia ai lea faamasinoga o talosaga a lea atunuu e tagofia le suesueina o nisi o faaiuga a lea faamasinoga, ma e toalua isi faamasino o le a seei faatasi ai ma le afioga Tuala Tologata Pr. Leilani Tuala Warren.
E tolu tausaga o le a galue ai le tamaitai faamasino i le faamasinoga o talosaga a le atunuu o Kiripati, ae o le tausaga e 2023 na faamavae ai o ia ma tiute o se faamasino o le faamasinoga a Samoa ina ua see atu ma lona aiga e faamautu i Niu Sila.
