O le Aso Sa ananafi i Samoa na taunuu ai i le atunuu le tama’ita’i minisita o le matāgaluega o le tiute a le malo o Niu Sila le afioga Casey Costello.
O faamoemoe ina ia faia ni talanoaga faavaomalo i matāupu tau i solitulafono e aafia ai atunuu poo transnational crimes, ma taupulepulega e faatino ni gaioiga faasolitulafono poo organized crimes e pei o i le feavea’i o fuālaau faasāina.
Ua faailoa i le upega tafa’ilagi a le matāgaluega o leoleo, falepuipui ma le toe fuata’ina, o le afea ai o Samoa e le Minisita o Tiute o le malo o Niu Sila o se isi lea matāti’a i sootaga o malo e lua e faatalatalanoa auala e fesoasoani ai i le taofia o ia faigā solitulafono i le va o atunuu.
