A o faasolo ai le amatalia o le maliega o fefaataua’iga i le va o Aotearoa nei ma Initia, o lea ua laumanu’ia le malaga mai o le Palemia o Narenda Modi, ma o loo fuafua e malaga mai i le masina o Iulai.
O le amataga o le tausaga lenei lea na faailoa ai fuafuaga ma tapenaga a malo e lua e tusa ai ma lea faigāmalaga, ma o se taimi muamua lea o le a asia ai e le Palemia o Initia le atunuu.
I faamatalaga mai le leitio faavaomalo a Niu Sila, o lea na fesiligia le Sui Palemia, David Seymour, e tusa ai ma le faimalaga mai o le ta’ita’i o le malo o Initia ae tali Symour o le a faamautū ma faamaonia uma mai ia fuafuaga i se taimi e lē o toe mamao.
Mo le silafia o le masina talu ai na sainia alo’ia ai e malo e lua se feagaiga poo se maliega mo fefaataua’iga, e pei ona māua o le a vaaia ai le tuuitiitia o le tau o lafoga totogi i luga o oloa e auina atu a Niu Sila poo tariffs lea e faapea e au lava i le 95% e tuuitiitia ai.
Faamauina o oloa e pei o aano o mamoe fasi, o le fulufulu mamoe poo le wool, o oloa tau i le vaomatua, o meaai sami, o oloa uma nei e manuia mai le tuuitiitia o lafoga nei poo tariffs.
Ta’ua i ripoti, e silia ma le ‘afa o oloa auina atu i fafo a Niu Sila e tuuitiitia i le leai foi o ni lafoga poo tariffs e faia, ma e faapea e oo atu lava i le 80% i le aga’i atu i le lumana’i.
Puna o Faamatalaga: https://www.rnz.co.nz/news/political/595625/india-s-prime-minister-narendra-modi-expected-to-visit-new-zealand
