Ua faailoa e Trump i lipoti a le BBC ua ia taofia osofa’iga a le militeli a Amerika ia Iran ona o talosaga a atunuu i le Gulf a o faatino ai nei feutanaiga.
I sana tusitusiga i luga o le upega tafa’ilagi a le Truth Social ua ia ta’ua ai sa talosagaina o ia e ta’ita’i o Qatar, Saudi Arabia ma le United Arab Emirates ma ua faailoa atu foi ia te ia e iai se maliega o le a faia o le a ono taliaina foi e Amerika.
Ua faailoa atu foi ia te ia o le a leai se ‘au’upega niukilia e faia e Iran.
Fai mai le BBC ua lapata’i ane foi le alii Peresetene ina ia silafia ua nofo sauni Amerika e faatino ni osofa’iga tetele ia Iran pe afai e leai lava se maliega.
I nisi o palota faata’ita’i i totonu lava o Amerika sa fesiligia ai finagalo o tagata e faatatau i le taua ma Iran, ua faailoa mai e 64 pasene o le palota e talitonu o se faai’uga sesē na faia e fai le taua lea ma Iran ae na o le 37 pasene e fiafia i gaioiga a Trump o loo faatino, o le Peresetene o Amerika.
Puna o Faamatalaga: https://www.bbc.com/news/articles/c7079e55zjro
