Ua tineia le mu tele i Matu o Canterbury ananafi, ma e faafetaia e leai se fale na afaina ai.
O le ‘afa o le 2 i le aoauli o le Aso Toonai lea na mua’i lipotia ai i leoleo ma na pisi ai ma le tusa ma le 30 sui o le tineimu faapea nisi o tagata fesoasoani mai lea taimi se’ia oo mai i le afiafi ananafi.
E po ane ananafi ua taofia le sosolo o le afi, ma o le asō e toe o iai sui o le tineimu.
E 40 eka le telē o le fanua na faaleagaina e le mu lenei, ma e faafetai e leai se fale na faaleagaina ai ma o lea foi ua toe foi uma aiga na aveesea faamalosi mai fale.
O le taeao nei foi ua toe suia uma ai sā ma suiga i luga o auala tetele.
Puna o Faamatalaga: Large fire burning alongside Lewis Pass contained, no houses lost | Stuff
