Fai mai ua teena lava e iuni lakapi faaitumalo le fetuuna’iga sa faatulaga atu e le NZ Rugby ma ua pasia la latou lava fuafuaga faataatia.
O se lipoti lata mai o le mataupu lea ua ta’ua ai i le One News o le fuafuaga muamua poo le proposal 1 a le NZ Rugby sa faalauiloa sa lagolagoina foi e le asosi o tagata taaalo lakapi poo le NZ Rugby players association ma le NZ Maori Rugby Board a o lei ausia le 2/3 o palota manaomia e pasia ai, o le palota na fai e 31 e lagolago ae 59 e tetee.
O le fuafuaga lona 2 sa folasia e le kulupu lea o iuni faaitumalo e aofia ai Aukilani, Ueligitone ma Canterbury na lilifa iai le palota e 69-21.
O le fuafuaga la lea e manaomia ai ni sui se toatolu mai le toaiva o le fono faatonu poo le Board, ina ia tatau ona tautua i fono faatonu a iuni faaitumalo ina ia mafai ai ona agavaa e auai o se sui o le Board.
O le fautuaga mai le iloiloga sa faia i le tausaga talu ai sa faailoa ai e tatau ona tutoatasi le filifiliga o sui o le Board e to’a 9.
O le taimi nei e 26 iuni faaitumalo o loo iai ma le fono faatonu a le Maori Rugby Board latou te faatutū ane sui e toatolu i le Board.
Puna o Faamatalaga: https://www.1news.co.nz/2024/05/30/provincial-unions-reject-nz-rugbys-governance-proposal
