E 90 pagota Palesitina ua faasa’oloto ane i lalo o le maliega ua sainia a Isaraelu ma le Hamas ma ua faamaonia mai ia faamatalaga e le auaunaga o falepuipui i Isaraelu.
O le aso ananafi na faasa’oloto ai foi pagota Isaraelu e to’atolu e le Hamas ma tuu atu i latou ia i le Red Cross i Gaza.
Fai mai e to’atolu tamaitai ma o loo togafitia i se falema’i i Tel Aviv.
Na lipotia foi le solo atu o loli tetele ma uta o fesoasoani i totonu o Gaza, e silia ma le 600 loli mai Malo Aufaatasi e pei ona iai tuutuuga i lalo o le maliega ua faagasolo nei lona faataunuuina i le va o le Hamas ma Isaraelu.
Puna o Faamatalaga: https://www.bbc.com/news/live/ckg0znng8x2t
