Ua feiloa’i atu le Tupu o Peretania o Salesa i le Palemia fou o Kanata o Mark Carney ina ua asiasi atu i le Buckingham Palace.
O se tasi lea o faailo o le lagolago a le Tupu mo Kanata.
Ta’ua i lipoti a le BBC ana lē seanoa le siaki o le gasegase o Salesa semanū ua faimalaga i Kanata e pei ona fuafuaina ai lana malaga i le tausaga na te’a nei.
O loo iai foi faamatalaga feavea’i a mae’a le palota a Kanata o le a faamuamua ane ai se malaga a le Tupu i lea atunuu.
Ua faailoa e le Palemia fou o Kanata ua faafetai i le avanoa ua feiloa’i ai i le Tupu ma faatalanoa foi mataupu faatasi ma le Palemia o Peretania Kier Starmer ma le Peresetene o Farani o Emmanuel Macron.
Puna o Faamatalaga: https://www.bbc.com/news/articles/c78el01zd03o
