Na faate’ia nisi o tagata Aukilani i le maua atu o parking fines i le pusa meli.
O lea sa masani lava ona faapipii le pepa faasalaga i le salutimu o le taavale pe a sese le nofoaga e paka ai, peitai ua iai le suiga ua faia nei e le Auckland Transport.
O lea ua faaaogā e le Auckland Transport le 20 taavale e taamilo i le taulaga i Aukilani ua suia ai mai tagata tusi paka ma o lona uiga, e uma sau le sala i le pusameli.
Talu mai le masina o Ianuari ua alu i luga i le 30% le tele o faasagala e sau mai le suiga ua faaaogā ai nei taavale ae lē o tagata tusi paka.
Ua molimau ai nisi i tala a le leitio a Niu Sila, e lē sa’o lea faiga ma ua pei o se faiga ua faia e su’e ai tupe a le Auckland Transport.
Peitai o se manatu mai le Auckland Transport o le faaaogā ai o taavale e pu’ea laisene o taavale ma faia faasalaga o avetaavale ona o nofoaga o loo paka ai, ua faigofie ai ona tele le vaega o le taulaga o Aukilani e oo iai le aufaigaluega ma e lē o iai se lagona alofa tele i le sui o le pulega ia Rick Bidgood lea ua fai mai, a sese lava le mea e paka ai o lona uiga o lau lava faaiuga.
Puna o Faamatalaga: www.rnz.co.nz/news/national/517000/auckland-transport-parking-fines-now-
