Ua folafola e Iapani o le a faamuamua lava Ausetalia e tuuina iai a latou vaatau fou o Mogami Warships pe afai e sainia se konekarate ma le Navy a Ausetalia.

Fai mai le faauluuluga o le vaega o le puipuiga a Iapani, afai ae filifilia e Ausetalia a latou vaa ia ma fausaga fou ua faia ai, o le a faaleleia atili ai foi le sootaga ma le galulue faatasi ma Ausetalia ma Amerika.

Ua lipotia le iai o fuafuaga e faaoo mai i Ausetalia se ituaiga vaatau fou lea i le masina o Fepuari.

O loo feta’ua’ina foi e $10 piliona le konekarate lenei ma o loo iloilo e le matagaluega o puipuiga ofo mai ia Iapani ma Siamani auā o loo fia vave suia foi vaa a Ausetalia e amata i le 2029 ma e lē o mautinoa pe suia i vaa ia mai Iapani poo le ituaiga fausaga mai Siamani.

Ua ta’ua i le lipoti a le ABC o le masina talu ai na valaaulia ai i latou e asia le ituaiga fausaga lea o vaatau ia a Iapani lea fai mai le latou mau o le faamoemoe autū ia puipuia soifua o tagata aemaise ia faamautinoa e sauni ma vave ona oo i teritori o le fili e osofai e tai pei o ni ninjas.

Puna o Faamatalaga: https://www.abc.net.au/news/2025-01-29/japan-vows-to-give-australia-first-access-to-mogami-warship/104868658