Ua faasolosolo atu le faigamalo a le Soofaatasi i le toe faatulagaina o le auina atu i fafo o manupapalagi e faaaogā ai vaa e ui i faaseā a le toatele.

O loo faamauina i le lipoti a le Newshub lea tulaga ma faailoa ai e le malo o fefaataua’iga o le a faato’ā mafai ona toe faaauau pe a mae’a ona toe faamautu ma malosi lelei le auaunaga.

Na saunoa ai le minisita o faatoaga, Andre Hoggard o faatalanoaga lautele i le mataupu lea o le a amata a o lei oo ia Setema ma ua saunia foi se pepa mo ia faatalanoaga.

Na ta’ua e le minisita na te iloa lelei le tele o manatu tāua i le mataupu lenei ma e fia tuu le avanoa i stakeholders ma tagata lautele e faasoa ane ai finagalo.

Lipotia sa iai se petition sa tuu atu i le faipule o le Leipa o Damien OConnor ua valaau ina ia puipui e le malo le sā o loo iai i le aveina atu i fafo o meaola ma ia puipuia.

Fai mai le minisita ua iai faiga fou ua mae’a faatulaga a o lei toe amataina fetuunaiga i tulaga tau fefaautaua’iga o manupapalagi.

O le faigamalo talu ai a le Leipa na o latou taofia le ituaiga faiga lea i le 2021 ae faato’ā faamamalu i le faai’uga o Aperila 2023 ina ua tulai mai se faalavelave i le 2020 na goto ai le vaa na faaaogāina le Gulf livestock 1 na maliliu ai tagata Niu Sila e toalua ae toeitiiti 6 afe manupapalagi na mamate ai.

Puna o Faamatalaga: https://www.newshub.co.nz/home/politics/2024/06/government-says-live-exports-will-commence-once-welfare-standards-strengthened.html