O lea ua faailoa e le auaunaga a le ofisa o le vaaitau i lana upega tafa’ilagi aso o le a asi ma ta ai le matai’ai o le palolo i le taaga muamua i le masina nei o Oketopa.
O le po o le aso 18 o Oketopa e atoa ai le masina ona faitau ai lea o aso e fitu.
O le lona fitu o vaveao talu mai le atoa o le masina e pa’ū i le aso 25 o Oketopa ma o le taimi lea e vaaia ai le palolo.
Peitai e asi muamua i le vaveao o le aso 24 o Oketopa.
O nuu ma afioaga masani i le itu i Saute o Upolu e masani ona ta ai le palolo o Siumu ma nisi o ogasani o le atu Falealili faasolo i le atu Aleipata, faapea le agai i Sisifo i nisi o nuu o Safata ma faasolo atu i Lefaga.
O popolega i le goto ai i gataifale i Saute o le vaa su’esu’e o le fuavaa tau o le fitafita o le malo o Niu Sila ma ono masaa i fafo ni suāuu mai lea vaa, o le itu sili lea ona tāua e ao ona mata’itū lelei a o lei oo mai aso o le taaga muamua o le palolo i lenei masina.
