O se su’esu’ega fai faatasi a leoleo mai atunuu eseese ua ta’ua ai leoleo Fiti e to’a 11 ua aafia i le matāupu o fuālaau faasāina ma le feavea’iina ma ua tuuina atu nei le matāupu i loia.
O se folasaga mai leoleo Fiti ua ta’ua ai o le su’esu’ega sa faia e 6 masina na faatino ai ma o loo faatalia nei se fautuaga mai le Faatonu o le DPP le Public Prosecution Department.
E iai se post i luga o le social media i le tausaga talu ai na iloa ai ata o ni fesoota’iga i text i le va o leoleo nei ma se sui o se kegi solitulafono i Aukilani.
O ia ata ua maua ai ma fetuuna’iga na faia i le va o leoleo o loo aafia ma nisi e faatatau i peimeni.
Ua faamaonia sa galulue faatasi le ofisa o leoleo i Fiti ma le ofisa o leoleo a Niu Sila i lenei su’esu’ega.
Ta’ua e le RNZ i lana lipoti e le’i maua ane se tali mai le ofisa o Amerika i Ueligitone lea ua aofia ai ma se ofisa o le FBI i lenei matāupu.
Puna o Faamatalaga: https://www.rnz.co.nz/news/pacific_fiji/595544/eleven-fijian-police-officers-investigated-for-ties-to-auckland-drug-trade-links
