Fai si le fiafia o se tasi oalii faipisinisi ma si ona aiga ina ua osofaia e le au gaoi lo latou faleoloa I Mt Albert. O le amataga o le vaiaso lenei ua tupu ai lenei faalavelave, fai mai le tina o le aiga o Jeevani Thusitha faatoa ola I lana pepe ile lua vaiaso talu ai, na faufauee ina ua tatala atu le faitotoa o le latou café ilea so Gafua ma iloa ai le tulaga ua tulai mai.
Ole pisinisi o le Rocky’s Restaurant and Café I Mt Albert sa gaoia ae ole itu efaanoanoa ai ona e le o inisiuaina le pisinisi, O le toalua o Jeevani o Rocky na ia faailoa o faamaumauga mai le meapueata o loo iloa ai e faalua lelei ona osofaia le faleaiga I le po lava lea e tasi.
E faitau afe le tau aofai o oloa ua aveesea e aofia ai se laptop ma ipads e lua pe a male 2500 le tau , tusa ma le 1500 le tau o ava malosi faapea ma le tusa ma le 500 o tupe ua aveesea mai le till.
O leisi popolega tele ole ono gaoia ai ma faamaumauga tau tupe o le pisinisi pe afai e saili e ilatou ia le laptop o loo iai nisi o faamaumauga patino I le pisinisi ma e e ana. Taua e si aiga ole faanoanoaga ona e lei faigofie ona finauina le faatumauina o le pisinisi I le taimi o le pepesi o lefaamai ae peitai ua foliga mai o le a faaletonu talu ai le faalavelave ua tupu. Fai mai leoleo na maua ane se lipoti o le faalavelave lea I le taeao ole aso gafua ma o loo faagasolo suesuega I le taimi nei.
