E tulaga ese ma felanulanua’i vaaiga mai le taulaga o Apia ma isi vaega o Samoa i le faamanatu ai o le 64 tausaga o lona tuto’atasi i le aso muamua lenei o le masina o Iuni e pei ona masani ai i tausaga ta’itasi.
Na amata i le vaveao analeila ona faatulaga mai savali faaaloalo ma le sauniga faapitoa na talosia ai le faamoemoe o le atunuu.
Sa faimalaga atu sui o malo e pei o Ausetalia ma Niu Sila faapea foi isi uso a atunuu o le Pasefika e molimau i lea foi aso tāua mo Samoa.
E tele polokalame ma faafiafiaga ua mae’a faatulaga mo le faamoemoe e aofia ai taaloga, faafiafiaga ma tauvaga eseese e faamanatu ma toe faaolaola ai tu ma aganuu masani a Samoa mai tausaga e tele ua tuana’i.
O le afioga i le sui o le fono a sui tofia, susuga Malietoa Molī Malietoa na sisiina a’e le tagavai o le sa’olotoga o Samoa lea ua atoa nei le 64 o tausaga o lona tuto’atasi.
