Faia le feiloaiga a le Peresetene o Amerika Joe Biden ma taitai o atumotu o le Pasefika ma o le latou feiloaiga lona lua lea i le falepaepae i le silia nei ma le tausaga.
A o lei faafeiloaia taitai le Pacific Island Forum sa folafola ai e Biden le amanaia e Amerika o isi atumotu o le Pasefika e toalua o le Atu Kuki ma Niue.
Faailoa foi e le Peresetene o loo mau le manatu o le malo tele e galulue faatasi pea ma le Pasefika ma o loo galulue foi ma le konekeresi e saunia se vaegatupe e 200 miliona Amerika e faatupe ai nisi poloketi e aofia ai suiga o le tau, faatupulaia o le tamaoaiga, tetee atu i faigafaiva faasolitulafono ma le faaleleia o le soifua maloloina lautele.
Ta’ua i se pepa o faamatalaga ua malilie itu e lua e toe usuia se isi fonotaga i le 2025 ma ia fesootai pea i le mae’a o le tai lua tausaga.
