Ua folafola e le faigāmalo a Niu Sila ana fuafuaga e faaitiitia le aofa’i o le aufaigaluega i auaunaga lautele, public service i le 14 pasene i totonu o le isi tolu tausaga i se taumafaiga ua ta’ua o le a faasaoina ai le 2.4 piliona.
O le suiga e pei ona folasia e le Minisita o Tupe, Nicola Willis o le a lusi ai avanoa faigaluega pe ā ma le 8,700 pe a oo atu i le ogatotonu o le 2029.
Fai mai le lipoti a le RNZ i le taimi nei pe ā ma le silia i le 63 afe tagata faigaluega faalaua’itele a le malo o loo iai, ua sui laitiiti mai le 65 afe sa iai i le 2004-2005.
Ua ta’ua foi o le a faaitiitia le numera o matāgaluega a le Malo, faateleina le faaaogāina o le AI ma isi silafia faaonaponei ma ia faasaoina ai seleni.
Puna o Faamatalaga: https://www.rnz.co.nz/news
