A itiiti mai pe to’atolu tagata ua fasiotia e lata i Moscow ona o le osofa’iga a Ukraine ua faia faasaga ia Lusia ma e silia i le 500 drones na faaaogāina ai i le osofa’iga i le po anapo.
Lipotia e le ofisa faasalalau a Lusia le TASS o le osofa’iga aupito tele lea ua faia ane e Ukraine i totonu o le tausaga atoa.
Na maliliu tagata ina ua aafia o latou fale i drones e pei o se tasi tinā i le faaitu o Khimki i le itu i Mātū i Sisifo o le laumua o Lusia.
O isi alii e to’alua na fasiotia i le itu i Mātū i Sasa’e o Lusia ina ua pa’ū se drone i luga o lo latou fale ma e iai ma isi o loo manunu’a ai.
Fai mai Lusia e 556 drones o le osofa’iga lea a Ukraine ae 120 drones na o latou tafanaina i lalo.
Ua lipotia e Lusia o osofa’iga nei a Ukraine ua aga’i sa’o atu lava i faaitu o Moscow ma ua aafia ai ma se nofoaga o le suāuu a Moscow.
O loo faatalitali nei la le to’atele pe o le a toe tali ane foi Lusia latou i lea osofa’iga.
Puna o Faamatalaga: https://edition.cnn.com/2026/05/17/europe/russia-ukraine-moscow-attack-intl-hnk
