Ua faamauina i tala faasolopito le avea ai o se gasegase mai Ausetalia ma uluai tagata ua te’a i tua mai le falemai ma se fatu faapipii poo le artificial heart.
Fai mai o lea alii e mai Niu sa Uelese pe 40 tausaga le matua ma sa faia lona taotoga e 6 itula i le St Vincents hospital i Sini, tele vaiaso na taofia ai i le ICU ina ua maea atoa ai ma le taimi sa mataituina ai e fomai ma te’a ai loa i tua i le masina na tea nei.
Ua faailoa o le fatu fai lea sa faaaoga ai le titanium ma le faamoemoe e fesoasoani i le gasegase ao faatalia ai se totoga faapea e avanoa ane ma ua faailoa e i latou sa galulue i lenei fuafuaga o se uluai taimi lea ua mafai ai ona faatino.
I faamaumauga o le faaletonu i le fatu tele ona maliliu ai tagata Ausetalia, e lata i le 5 afe tagata i le tausaga.
Puna o Faamatalaga: https://www.9news.com.au/national/man-leaves-sydney-hospital-with-artificial-heart-in-world-first/c82df141-b263-424f-bf09-c000e37adbaa
