O se tasi o faatatau a le malo ua faalauiloa e le Palemia o Ardern i le asō o le Mana in Mahi, o se polokalame e aofia ai totogi ua faatulaga o le a vaaia ai le aga’i ese mai o tagata ua leva ona lē faigaluega, mai le penefiti ae toe aga’i i galuega poo ni polokalame foi faalea’oa’oga.  

Fai mai, i lalo o le polokalame o le Mana in Mahi ua vaaia ai le tusa ma le 5 afe o tagata ua toe faigaluega ma ua laasia ai ma le target poo le taula’iga na faatulaga mai i le 2019 e 4 afe tagata e tatau ona oo mai i le taimi nei ua maua ni galuega. 

E ese mai i le talanoaina o le mataupu lea na fesiligia foi le Palemia i le tulaga o iai le pepesi a le faama’i o le monkeypox, siitia o soligatulafono a talavou ma le tali a le malo i le faai’uga a le National ina ia faataatia ese ana polisi tau lafoga.