E le o mafai ona faamaonia I le taimi nei le tele o potu avanoa I nofoaga o faanofoesea ai I latou mai fafo, pe afai ae tatala le saolotoga I pasese Ausetalia taunuu mai
32 nofoaga o loo faaaogaina I le taimi nei e faanofoesea ai I latou mai fafo, ma e oo atu I le 40% o potu o loo faaaogaina e tagata taunuu mai Ausetalia
Saunoa ai le minisita o le Koviti, Chris Hipkins, e moni o le a avanoa ai nisi o potu mo I latou o loo saili avanoa mai fafo, peitai e le o fesuiaiga o mafai ona faamautu I le taimi nei ma e le faapea o potu uma foi o le a avanoa
O le Aso Lulu o le vaiaso nei na saunoa ai le minisita o le vaega o femalagaiga, Kris Faafoi e ono avanoa ai le oo atu I le 40% o avanoa I nofoaga o faanofoesea ai latou mai fafo pe a tatala le afuafu saoloto ma Ausetalia
I le taimi nei o lea ua matuai faatumulia le tele o nofoaga o faanofoesea ai pasese taunuu mai e oo I le masina o Iulai