Ua faailoa e le faauluuluga o le Faalapotopotoga o le Soifua Mālōlōina i le Lalolagi, le WHO, Dr Tedros Gheybreysus, o le saosaoa ma le tulaga o loo iai le pepesi a le faama’i o le Ebola i le Democratic Republic of Congo ma Uganda ua avea ma popolega ona ua feagai foi le aufaigaluega a le soifua mālōlōina ma lu’itau i le taumafai e faaoo atu le fesoasoani i le faitau afe o tagata i nofoaga e faigatā ona afea.
Fai mai Dr Tedros e silia i le 130 i latou ua maliliu e manatu e āfua mai i le pepesi o iai nei le faama’i ma e silia ma le 500 e talitonuina ua aafia.
Fai mai o le ulua’i taimi foi lea ua faia ai e se Faatonu o le WHO se faatonuga faalaua’itele faavaomalo e aunoa ma le faia o se fonotaga faavavevave a le komiti o faalavelave faafuase’i.
Sa faalauiloa i le lauga a le alii Faatonu popolega mo le saogalemu o tagata ma ia vave ona silafia lea tulaga e le to’atele.
O āuga o le Ebola e aofia ai le fiva, le lavā, tigā maso o le tino, tigā le ulu, faasuati, manava tatā, tigā le manava, faaletonu fatuga’o ma le ate.
Fai mai o nisi gasegase e aafia totoga ma āfua ai le internal bleeding.
Puna o Faamatalaga: https://edition.cnn.com/2026/05/19/africa/ebola-outbreak-drc-uganda-who-chief-intl
