Ua folafola manino e le Peresetene o Cuba o Miguel Diaz-Canel o se osofa’iga e faia e le militeli a Amerika ia Cuba o le a vaai ai loa i le toto masaa ma nisi tulaga e lē fia vaai iai ina ua toe amata alia’e foi feupua’iga i le va o Havana ma Uosigitone.
Fai mai Miguel e pei ona lipotia i le CNN, e leai lava ni faamata’u o faia atu e Cuba i nisi ma e lē o iai foi ni a latou fuafuaga e faasagatau ai i se isi atunuu atoa ai ma Amerika.
Na ia faailoa foi o le taimi nei lava o loo faalogoina ai e le atunuu faiga malolosi mai le malo tele ma e matua’i iai lava le latou aiā tatau e tali atu ai mo lo latou puipuiga pe afai e osofa’ia i latou e le militeli.
O le vaiaso nei ua folafola ai e Amerika isi sā i luga o Cuba e faaopoopo atu i isi tala faanoanoa mo le atunuu na maua i le amataga mai o le vaiaso e faapea ua lē oo ona aveina atu faigāmalaga a isi kamupani vaa i Cuba ona o le usita’ia o nisi o tulafono fou a le faigāmalo a Trump.
Puna o Faamatalaga: https://edition.cnn.com/2026/05/18/americas/cuba-president-bloodbath-us-military-latam-intl
