E na o tagata indigenous Ni Vanuatu o le a mafai ona tauva i palota faaitumalo ma palota a le atunuu o Vanuatu, o se tasi lea o ana teuteuga o loo pito i luga i le fuafuaga o le 100 day plan a lana faigāmalo.

Fai mai le RNZ o le faailoa mai o ia teuteuga ua alia’e ai ma valaau o faiga faailogalanu mai le vaega o le Itu Agai o le Palemene.

O le fuafuaga lea o le 100 aso poo le 100 day plan ua faailoa i le lipoti ua fuafua e faamalosia ai le polokalame tau sitiseni ma lona faatonutonuina ae lē gata i lea o le faamalosia o le tuuina o sui faaleaganuu i tulaga tau pulega.

O loo taula’i lea mataupu i sitiseni patino i le atunuu ua faamamafa mai ai e na o le tasi vaetolu o sitiseni o le a mafai ona tauva i le palota i lalo o ia aiaiga.

O loo ta’ua o le Vaega 17 o le faavae o Vanuatu o loo ta’ua ai o soo se sitiseni o Vanuatu ua atoa le 25 tausaga ma sili atu e agavaa lava e tula’i mo le avea ma se sui faatū i le Palemene.

O loo faatalia se tali a le faigāmalo i lenei mataupu.

Puna o Faamatalaga: https://www.rnz.co.nz/international/pacific-news/544067/vanuatu-govt-to-allow-only-indigenous-citizens-to-contest-elections