Ua iai faatapulaa o saosaoa ua tuuina i le Ninety Mile Beach o se vaega o le fuafuaga fou mo le saogalemu ua amata i lenei taumafanafana.

Fai mai o lea ua faatapulaa le saosaoa o le taavale i le 30km i le itula i totonu o le 200 mita i auala e ui atu ai i le matafaga, ae 60km i le itula i isi vaega uma e lalata ane aemaise le far north coast.

O le taitaifono o le fono faatonu a le Te Oneroa a Tohe Beach poo le matafaga lava lea, Lisa McNab na ia ta’ua o faatapulaa fou nei o le a fesoasoani i le faasaogalemuina o tagata o lea faaitu aemaise le puipuia o le siomaga. 

Na afua mai suiga ona o se gaioiga na faia ina ua faifaitetele popolega e faatatau i le faaitu lea e lē gata i le lamatiaga i tagata, meaola aemaise foi nisi figota o le sami mai le faaaogāina e taavale o luga o le matafaga.

A o lei faia le Kerisimasi sa faatuina ai faailo o le saosaoa fou o le a iai auā o le matafaga sa masani ona faataga ai le saosaoa e 100 km i le itula.