Ua faitioina e se tasi o fale-oti-ulu I le ogatotonu o le taulaga faatau I Aukilani, le Auckland Council ma galuega I luga o le auala ua aafia ai pisinisi
E tolu lala a le Barber Shop ua tapunia le tumau, ma ua faaalia e le pule sili ia Adam Johanson, o le pulenuu ia Phil Goff ma le Auckland Council lea e anaina le Auckland Transport, e le o fesoasoani a latou poloketi o loo faia nei I pisinisi I le taulaga aemaise le toe tau faaolaola ona o aafiaga o le Koviti
Taua e le pule I luga o le herald, e le mafai ona taofia le Koviti, ae e mafai ona faia fesuiaiga o taimi o galuega faaleleia I luga o aualatetele, ma ole tapunia ai o ana lala e tolu ua faia lea seia toe tatala pe a maea galuega o loo toe sueina ai le auala tele
O se faagaulemalie na faaaliga foi e se tasi o pulega e iai lanai a foi faleotiulu I K-Rd, lea e faapea ua silia ma le tausaga o poloka luma ane o lana pisinisi ona o galuega
I ripoti, e oo atu I le 40 faleoloa I Queen St tuaoi ma K-Rd ua tapunia uma foi
Ae mai le Auckland Transport, o poloketi nei na sau I totonu o le toe faaleleia o femalagaiga I le taulaga I Aukilani mo le isi 5 tausaga, ma o lea ua latalata ina uma E le o taofia e le pule sili o pisinisi I le taulaga, Michael Barnett galuega o loo faia nei, peitai pau lana talosaga o le silasila o le council I nisi auala e toe tosina atu ai tagata I le taulaga.
