E lē taumate ua silafia e le toatele le auaunaga tau fefaataua’iga i luga o upega tafailagi, le Temu e pei ona lipotia atu foi muamua i talafou.
O le vaiaso nei ua faailoa ai e le kamupani ua iai se suiga i le latou igoa ma lona faaleoina.
O le taimi faato’ā faalauiloa ai sa faaleoina ai o le Tee-mu e pei ona fofogaina ai faalauaitele i le taimi o le Super Bowl 2023 ma ulufale ai i le maketi o fefaataua’iga a Ausetalia, peitai o le asō ua faailoa ai o le faaleoina sa’o o le igoa o le Tehmu atoa ai ma le faamatalaga ua faia le suiga a o faalautele ai le auaunaga i isi maketi faavaomalo.
O le kamupani e umia e le PDD Holdings sa amata mai i Shanghai ae ua see atu nei lona nofoaga autu i Aialani ma e toatele tagata Ausetalia ua faatau ai.
E iai foi nisi popolega sa laga e nisi i le taimi ua sola i le ituaiga faalauiloa o loo faaaogā e le TEMU i le faiga o ana pisinisi peitai o loo teena uma e le kamupani ia faamatalaga latou te lē o faaaogāina i ni auala lē sa’o faamatalaga o loo aoina e tagata faatau.
Puna o Faamatalaga: https://7news.com.au/news/temu-announces-name-change-just-one-year-after-launch-after-a-number-of-controversies-c-15067511
