Ua lē taunuu le isi polomisi a le malo e ala i le toe teuteu o le tulafono o loo nenefu ai le faiga o totogi o tagata faigaluega, Holidays Act.

I le 5 tausaga talu ai na polomisi mai ai le malo e toe teuteu le tulafono lenei, peitai o lea lava o loo tau tuufaatasi le pili ae ua pasi foi ma le taimi e aumai ai i le maota mo le faatalanoaina a o loma le palota tele.

Saunoa le minisita o Workplace Relations, o ia foi o le Sui Palemia, Carmel Sepuloni, e moomia se isi taimi faaopoopo ina ia aua ai ne’i toe sese e pei o le tulafono o loo iai nei.

Peitai na saunoa David Jenkins o le Payroll Practitioners Association, ua o ni tala e faalafi ai le leai o se mea o tupu ma o Jenkins foi o se tasi o loo i totonu o le kulupu o loo lotea lenei mataupu, ma ua fai mai ai e lē tele se tala mai le malo ma e lē tali mai foi i fesili pe a toe tapa i le uma ai o fonotaga, e foliga mai ai e lē malamalama i le payroll.

Māua e tala fou e tele matagaluega a le malo o lea ua inivesi i payroll systems fou ma o se tapenaga ina ia faafetaui ma le tulafono fou pe a sau i tua.

O se tasi lenei o tulafono a o faatalitalia, e iai tala o falemai tetele a le malo lea o le a toe totogi le tele o payouts e pei ona ua totogi ai nei le lata i le $2 piliona i le faitau afe o ana tagata faigaluega e aofia ai ma tagata ua faamavae.