O lea ua faailoa e le Ofisa Sili lagolago o le matagaluega o tina ma tamaitai atina’e o afioaga ma agafesoota’i o loo vaaia le vaega o poloketi, le toe faaauau o tapenaga mo le poloketi o le miliona mo itumalo faapalota e 51.
Ua aumai i se tulaga faalaua’itele lea faalauiloa e le Ofisa Sili lagolago le tofa Unasa Viane To’ala, a o totoe ai pea aso o lenei masina amata o lenei tausaga fou e tuuina atu ai lipoti a Fono Faavae a itumalo e le’i maua vaegatupe o le miliona tala lona lua e pei ona sa pasia i le fuafuaga o le tausaga faaletupe 2023 i le 2024.
O le faai’uga o le masina lenei o Iuni e faamuta ai lea tufatufaga ae faaauau i le miliona tala lona tolu lea e na o le tolu Fono Faavae ua mae’a faamatuu a latou vaegatupe muamua.
Le Ofisa Sili lagolago o le vaega o poloketi i le matagaluega o tina ma tamaitai atina’e o afioaga ma agafesoota’i o loo vaaia le poloketi o le miliona tala, le tofa Unasa Viane Toala, i se faalauiloa a le matagaluega i lana upega tafa’ilagi.
O le tala autū mulimuli o le tupe mo le paea’iga faapalemene lona 17 o iai nei o loo fuafua e aofia ai vaegatupe mulimuli e atoa ai le 5 miliona tala mo itumalo palota e 51 lea o le a iai le faaopoopo e 800 afe tala mo itumalo ta’itasi ona maua ai lea o le aofa’iga e 1 tesimale 8 miliona tala.
O le sui faipule o Palauli 3 le tofa Laga’aia Ti’aituau Tufuga, ua avea nei ma Minisita o lea matagaluega o loo iai le vaaia o lea poloketi tele a le malo.
