O loo finau mai loia o feagai ma le mataupu i le avepasi na lavea ai se tama a’oga e 14 tausaga le matua i Sini, e tatau ona umi atu lona faasalaga i le falepuipui nai lo le lua tausaga ua tuuina iai.
O le avepasi e 56 tausaga, o se tamaitai, sa ia faafoeina le pasi na lavea ai le tamaititi lea i fafo ane o le Macarthur Anglican School i Cobbity i le masina o Fepuari o le tausaga talu ai 2023.
Na ia ioeina le moliaga e tasi i le mataupu lea ma sa lauina lona faasalaga ia Setema i le Faamasinoga Faaitumalo i Campbelltown e lua tausaga i le falepuipui.
Ta’ua i lipoti a le 7News o le falepuipui o tamaitai i Silverwater sa tuli ai lona faasalaga ma tuuina iai e le faamasino o David Arnott e tatau ona tuli le tausaga atoa faato’ā agavaa i le palola, peitai ua lu’iina lea faai’uga e le faatonu o le vaega o Public Prosecutions i le Faamasinoga o Apili, ma finau ai e lē o lava le faasalaga e tatau ona umi atu.
O le aso 21 o le masina fou o Novema o le a fofoga ai le apili lea i le faamasinoga ae o faasalaga masani o ituaiga moliaga faapea, e 10 tausaga i le falepuipui.
Puna o Faamatalaga: https://7news.com.au/news/longer-jail-sought-for-sydney-bus-driver-who-killed-schoolboy-near-macarthur-anglican-school-in-cobbitty-c-16500264
