E ono oo atu i le 50 afe tagata Ausetalia e lē toe mafai ona faaaogāina pe vili le triple 0 ma isi auaunaga tau fesoasoani i le network a le Optus pe afai nei ae tapunia le auaunaga a le 3G i ni nai masina o lumanai.

Sa fesiligia ai faauluuluga o le Optus, Telstra, TPG i se suesuega a le Senate i le vaiaso nei aemaise o le tele o le mau fesili ua alia’e pe afai nei ae tapunia le auaunaga a le 3G.

Fai mai le Telco o loo faaauau pea ona galulue ia faaitiitia le aofai o tagata e aafia pe a faataunuu le suiga o le a iai ae fai lava si toatele o tagata o le a aafia.

O loo faaauau pea ona lapataia e le Telstra ma le Optus a latou paaga ina ia sui a latou telefoni pe afai o loo faaaogā pea le 3G ma lipotia foi le tuuina atu o ni telefoni fua i nisi o a latou paaga o feagai ma faigata i le itu tau seleni ma tulaga ma’ale’ale.

E mafai ona siaki pe aafia lau telefoni i lea suiga e ala i le text o le numera 3 i le 3498 pe aafia lau telefoni pe a faamuta le auaunaga a le 3G.

Puna o Faamatalaga: https://www.9news.com.au/national/3g-shutdown-australia-150000-customers-impacted-optus-telstra-senate-inquiry/8cfcea70-7e7a-4ec7-a3f6-6b4584cbafe4